§ 48 SHOW LINKS TO MANUSCRIPTS
| 1 | at ubi consummatae fuerint epulae, putes iam esse surgendum: tunc de integro potum instaurant suum, cum consummaneIint, tunc incohare se dicunt, tunc deferuntur fialae, tunc maximi crateres quasi instrumenta bellorum. |
| 2 | ac ne inmoderatum hoc arbitreris, mensura proponitur, certatur sub iudice, sub lege decernitur. |
| 3 | agonithetes illis furor est, stipendium debilitas, uictoriae praemium culpa. |
| 4 | pendit anceps diu et dubius belli euentus; furor enim ille est proeliaris. |
| 5 | cedunt pincernarum manus uina fundentium et cocorum labores calida ministrantium, cedunt qui mensuras ipsas bonas. |
| 6 | supereffluentes diligenti librant examine, ne quid effundant: non cedunt bibentes. |